S: Gudoomiye , marka hore nooga waran   hawlaha  goluhu wakhtigan  halka ay marayaan?

J: Golaha  Wakiladu  sida uu dastuurku  sheegayo   kalfadhiyo ayay ku shaqeeyaan , kalfadhigii shanaad ayaa noo socda, waxaana  guda galay  intii kalfadhigu socday  Anisixintii  Masuuliyiintii Qaranka, Xeerka  Abuurista  Komishanka Xuquuqal Insaanka   ee Somaliland  oo   doodiisu   dhamaatay.

Waxa kale oo maanta  doodiisii  bilaabantay  xeerka Miisaaniyada  qaranka  , xeerar kalana  waa ay soo socdaan.

S: Xeerka Miisaaniyada  oo kale oo labadii Miisaaniyadood   ee idin soo marayba  muran ayaa ka dhashay , xeerkani sidee uu  wax uga odhanayaa?

J:X eer  la'aantu  sabab bay ka ahayd  muranka Miisaaniyada labadaasi sano  ee hore  oo ma jirin xeer miisaaniyadu leedahay, sidaa daraadeed berri  bay bilaabaysaa  doodiisu haddii alle  yidhaa.

Waxana loogu tallo galay in ay so oaf jarto  wixii muran ama khilaaf  ahaa ee ka dhalan  jiray arrimaha Miisaaniyada .

 S) Waxa aad hore u ansixiseen xeerka diiwaan gelinta  codbixiyeyaasha, markaa ma kula tahey in wakhtigaasi ay ku dhamaaneyso?

J: Xeerkii  diiwaan gelinta  codbixiyeyaasha  waxaan qabaa in ay suurto galayso diiwaan gelin   sababta oo ah  komishanka doorashooyinka  qaranka,  deeq bixiyayaasha , Asxaabta  , waxa   ay  isla qiyaaseen  wakhtiga ay  u baahan tahay  in lagu daro , waanay isla ogolaadeen  guddida Komishankana berri ayaan  ballan  leenahay  in ay halkan noogu yimaadaan     oo Nayroobi  ayay ka yimaadeen hadda, mar   labaad wax dhibaato  ah oo ii muuqataa  in aanay ku dhamaanayn wakhtigaa  ma jirto.

S: Arrimaha Siyaasada ee ka soo kordhay gobollada bariga ka warran   ?

J: Waa hawl  qaranku  lahaa oo muddo  la sugayay in xalkeedu  yimaado , waana  maamul   fidin uun , sidaad ka war qabtaan Somaliland  meelaha qaar maamulku hore umuu gaadhin oo ay ka mid ahayd Laascaanood , waxaanay  tani tahay arrin ay  suurto   geliyeen  shacbiga  Laascaanood  ama Sool, waxaanan qaba rabitaankooda ayay ku timid arrintani. Waana

maamul  fidin , dawlada Somaliland waxa xil  ka saaran  yahay in gacan la siiyo oo taakulayn  la siiyo , dadka  u dhashay  gobolkaas ayaana maamulka fidinta  sii wadaya, waxaanan rajaynayaa in  dhamaanba maamulka Somaliland la gaadhsiiyo  xuduudaha.

S)  Howsha taakuleyntu sida ay u socoto ilaa hadda sidee u aragtaa?

J) Arrintaasi waxa ay u baahan tahay dhaqaale xoog leh. Goluhu waxa uu dhawaan ansaxiyey in 2% cashuurta lagu kordhiyo si wax looga qabto howlahaa halkaasi ka socda. Waxa ay bilaabmeysay bisha kowdeedii. Waxaana la sameeyey guddi qaran oo ka kooban xukuumada, asxaabta, iyoi goleyaasha qaranka oo loo xil saarey oo maamuli doona, wixii kale ee dhaqaale loogu talogaleyna wey dhex galeen, ganacsatadii iyo jaaliyadihii dibeda waa ay la xidhiidheen. Waxaanan filayaa in howshaasi meeel fiican u mareyso, Ilaaheyna ha fududeeyo.

S)  Shirkii garaadadu ku qabteen Boocame iyo wixii ka soo baxey maxaad ka odhan laheyd?

J) Shacbiga reer Sool oo ka mid ah Somaliland dhawr jeer ayey mucaahadooyin la galeen Somaliland oo qoraallo ayaa lagu hayaa oo kii Burco ayaa ka kow ahaa, waxa xigey Kii Boorame oo Ka hor reer Sool ku sii go'aamiyeen Boocame laftiisa in ay ka qeybgalaan shirka Boorame, markaa arrintaasi Boocame ee garaadada waxa la sheegey in shirkaasi laga soo abaabuley budland oo shir shir dhaqanba muu aheyne waxa ka dambeeyey siyaasiyiin oo odayaasha qabta uun baa la yidhi.. Waxaaaaney ila tahay qof kasta oomreer laascaanood ah iyo qof kaleba wuu tegi karaa laascaanood oo maanta nabada weeeye. Waxaanan kula talinayaa in aan dadka colaad la gelin oo laga daayo qaxa iyo dhibaatada, colaad horaa loo soo arkee. Maaamul baa ka dhisan, booliis baa la sameeyey, waana ammaan. Waxaanan rajeynayaa in garaadadana caqligu u soo noqdo.

S) Dhinaca kale Waxa jirey kulamo dhawaan goluhu yeeshey oo albaabadu u xidhnaayeen, kuwaasi maxaad nooga sheegi kartaa?

J) Kulamadaasi danta golaha iyo xildhibaanadu si ay isu laab xaadhaan ayey u badnaayeen. Haddii aan soo koobo  guud ahaan in la is xilqaaamo oo golaha la yimaado oo la shaqeeyo oo wax kasta oo golaha ku soo kordha xeer hoosaad iyo wax kaleba ay noqoto arrin golaha ka timi, isaga oo laga wada tashado oo loo dhan yahay in ay noqdaan.

Waxaana ugu muhiimsanaa in la isxilqaamo oo mudane kastaa waajibkiisa guto oo la shaqeeyo saacadaha la shaqeeyo  oo golaha asxaabtnimada la yareeyo, golahana la weyneeyo.

S) Inkasta oo ay heshiiskii dhexdhexaadinta ka mid aheyd, haddana taasi weli ma suurogelin, arrintaasi sidee u aragtaa ?

J) Madaxweynuhu wuu ballan qaadey in uu sii daayo, kulan danbe oo aan la yeealaneyna koley waan la soo qaadney arrintaasi, waxaanan rajeyneynaa arrintaasi ku baaqiga ah xagga xukuumada in ay dhinaceeda ka fuliso.

Faysal Cabdilaahi.

Hargeysa-Hormoodnews